შეერთებული შტატების პრეზიდენტი ბარაკ ობამა დღეს პუერტო რიკოში ჩავიდა. ის პირველი ამერიკელი ლიდერია, რომელმაც ბოლო 50 წლის განმავლობაში ეს კუნძული მოინახულა. პრეზიდენტმა ქალაქ სან ხუანში მოკლე სიტყვა წარმოთქვა, რის შემდეგაც კუნძულის გუბერნატორს ლუის ფორტუნოს შეხვდა. მოლაპარაკების დროს, პრეზიდენტმა ყურადღება გაამახვილა იმ 7 მილარდიან პაკეტზე, რომელიც შეერთებულმა შტატებმა პუერტო რიკოს ეკონომიკის სტიმულირებისთვის გამოყო. გუბერნატორ ფორტუნოს განცხადებით, ამ დახმარების შედეგად კუნძულზე გაიზარდა დასაქმების მაჩვენებელი, თუმც თანხის ეფექტურად დახარჯვას გარკვეული დრო სჭირდება.