სიეტლში მსხვერპლის რაოდენობის გაზრდას ელიან

ვაშინგტონის შტატში გასულ კვირას ჩამოწოლილი მეწყერის შედეგად დაღუპული 16 ადამიანის გვამია დღემდე ნაპოვნი. სტიქიურმა უბედურებამ ათობით სახლი დაანგრია.

მსხვერპლის რაოდენობა სავარაუდოდ გაიზრდება. ოფიციალური პირები აცხადებენ, რომ 176 ადამიანი კვლავ უგზო-უკვლოდაა დაკარგული. მეწყერი სიეტლის ჩრდილოეთით მოხდა.

მაშველები მძიმე ტექნიკას, მაღალ-ტექნოლოგიურ კამერებს და ძაღლებს იყენებენ გვამების საპოვნელად.