რამდენიმე საათის წინ ნასას ახალი მისია დაიწყო. კოსმოსურმა ხომალდმა "შეუპოვრობა" (Perseverance) ფლორიდის სანაპიროდან წარმატებული სტარტი განახორციელა. როვერი მარსზე 6 საათში უნდა დაეშვას.
რიგით მეხუთე როვერს "შეუპოვრობა" დიდი მისია აქვს, რობოტმა უნდა შეძლოს და მოძებნოს სიცოცხლის ნიშანწყალი მარსზე, რომელიც დაადასტურებს მეცნიერების ვარაუდს, რომ მარსზე ადრე სიცოცხლე არსებობდა.
რობოტი სპეციალურად არის დაპროგრამებული და ის ერთ-ერთი საუკეთესოდ აღჭურვილია ასტრობიოლოგიისთვის საჭირო უნარებით. რობოტი მარსზე ჯეზეროს კრატერთან იმუშავებს, ადგილზე სადაც მეცნიერები ფიქრობენ რომ დაახლოებით 4 მილიარდის წინ ტბა არსებობდა.
როვერი აღჭურვილია მიკროფონებით და 20-ზე მეტი კამერით. ის შეძლებს და მარსზე მაღალი გარჩევადობის ფოტო და ვიდეო მასალას გადაიღოს. რობოტი ასევე პირველად შეძლებს მარსზე არსებული ხმის ჩაწერას, სულ მალე კი ჩვენ საშუალება გვექნება პირველად მოვისმინოთ ხმა მარსიდან და ვნახოთ კადრები, თუ როგორ ეშვება რიგით მეუთე როვერი მარსზე.
ხმის ჩაწერის ეს პირველი მცდელობა არ არის. ნასას სპეციალისტებმა მარსის ხმის ჩანაწერის გაკეთება რამდენჯერმე სცადეს, თუმცა უშედეგოდ. მეცნიერებმა ტექნოლოგიები დამატებით დახვეწეს და ფიქრობენ, რომ ახლა შესაძლებელი გახდება მარსზე არსებული ხმა მოვისმინოთ.
ნასას ახალი მისიის ფარგლებში რობოტმა მარსის ზედაპირი უნდა შეისწავლოს და ქვები შეაგროვოს. თუ რობოტმა ეს მისია წარმატებით შეასრულა, ეს იქნება პირველი შემთხვევა, როდესაც დედამიწაზე მარსის ქვებს ჩამოიტანენ.
მარსზე ბოლო ერთი თვის განმავლობაში 2 რობოტი სხვა ქვეყნებმაც გაგზავნეს, მათ შორის არაბთა გაერთიანებულმა საემიროებმა და ჩინეთმა.
Facebook Forum