ნატოს სამხედრო ძალებმა ლიბიაზე საჰარეო დარტყმები განაახლეს. იერიში დედაქალაქ ტრიპოლიზე მიიტანეს. ჩრდილო-ატლანტიკური ალიანსი ცდილობს სამხედრო გზით განახორციელოს ზეწოლა და ლიბიის ლიდერს მუამარ კადაფის თანამდებობის დატოვება აიძულოს. ამჯერად, საჰაერო დარტყმები კადაფის სამხედრო ძალების ბარაკებზე განხორციელდა. ნატოს განცხადებაში ნათქვამია, რომ ოპერაციაში პირველად გამოიყენეს ვერტმფრენები, რომლებმაც მისია დაბალ სიმაღლეზე შეასრულეს. ალიანსის თქმით, საჰაერო დარტყმებბის შედეგად 20-ზე მეტი სამიზნე განადგურდა, მათ შორის ერთი სამხედრო საგუშაგო და ერთი სარადარო სისტემა.