ბმულები ხელმისაწვდომობისთვის

ისრაელი სამშვიდობო პროცესისთვის მზადაა


Israeli President Shimon Peres shakes hands with U.S. Secretary of State John Kerry as Prime Minister Benjamin Netanyahu sits in between them during a ceremony marking Israel's annual day of Holocaust remembrance, at Yad Vashem, Jerusalem, April 8, 2013.

ჯონ კერის ვიზიტი ისრაელში პალესტინას და ისრაელს შორის სამშვიდობო მოლაპარაკებების კუთხით შეიძლება გარდამტეხი აღმოჩნდეს

შეერთებული შტატების სახელმწიფო მდივანი ჯონ კერი აგრძელებს თავის ძალისხმევას ისრაელისა და პალესტინის სახელმწიფოებს შორის სამშვიდობო მოლაპარაკებების პროცესისთვის. იერუსალიმში ყოფნის დროს ჯონ კერიმ პატივი მიაგო ჰოლოკოსტის მსხვერპლთა ხსოვნის დღეს და ისრაელის პრეზიდენტთან შიმონ პერესთან მოლაპარაკებები გამართა.

ჯონ კერი პრეზიდენტ პერესს და პრემიერ- მინისტრ ნეთანიაჰუს იად ვაშემის ჰოლოკოსტის მსხვერპლთა მემორიალთან შეუერთდა, რომელიც იერუსალიმში მდებარეობს.

მოგვიანებით შეხვედრის დასრულების შემდეგ კერიმ და პერესმა ერთობლივი პრესკონფერენცია გამართეს, სადაც ისრაელის პრეზიდენტმა დარწმუნებით განაცხადა რომ, პალესტინელებთან სამშვიდობო მოლაპარაკება შესაძლებელია.

შიმონ პერესი: მე მჯერა, რომ შეერთებულ შტატებს და ისრაელის მეზობელ პალესტინას შორის პრობლემები შეიძლება მოგვარდეს, და ამის განცხადების საფუძველს მე გამოცდილება მაძლევს. ჩვენ ვთანხმდებით რომ, პროცესი იწყება, გვესმის როგორ დასრულდეს უთანხმოება, არსებობს სხვადასხვა პოზიციები რომელიც მოლაპარაკებით უნდა დაახლოვდეს.

პრეზიდენტი აცხადებს რომ, ორი სახელმწიფოს იდეა, რომელიც გულისხმობს ისრაელის სახელმწიფოს, რომელიც არაბული სახელმწიფოს პალესტინის მეზობლად მდებარეობს არის საუკეთესო გადაწყვეტა საკითხის მშვიდობიანად მოგვარების. ამას ჯონ კერიც დაეთანხმა თუმცა განაცხადა რომ, ეს გზა მარტივი არ იქნება.
შეერთებული შტატების სახელმწიფო მდივანი: სირთულეებთან დაკავშირებით ილუზია არ მაქვს, ეს ფაქტია. მაგრამ შესაძლებლობებში უნდა დარწმუნდნენ იმისათვის რომ მიზანს მიაღწიონ. მე მჯერა და დარწმუნებული ვარ იმაში რომ კონფლიქტის მოგვარების გზა არსებობს.

შეერთებული შტატების სახელმწიფო დეპარტამენტმა განაცხადა რომ, ჯონ კერი ზეწოლას მოახდენს რომ დაპირისპირებულმა მხარეებმა ნდობის გამყარება შეძლონ. თუ არ ჩავთვლით მცირე-ხნიან სამშვიდობო მოლაპარაკებებს, 2010 წლიდან დღემდე პალესტინას და ისრაელს ამ თემაზე დიალოგი არ გაუმართავთ. ჯონ კერი არ მოელის რომ, შეერთებული შტატები მხარეებს ფორმალურ სამშვიდობო ინიციატივებს შესთავაზებს.
XS
SM
MD
LG