პალესტინა მზად არის ცეცხლი შეწყვიტოს

პალესტინის სამხედრო დაჯგუფებები მზად არიან ცეცხლი შეწყვიტონ, თუ ამ გადაწყვეტილებას ისრაელიც მიიღებს.

ღაზის მაკონტროლებელი ჰამასის დაჯგუფების ლიდერები, ისლამის ჯიჰადის და სხვა დაჯგუფებების ლიდერებთან შეხვედრის შემდეგ აცხადებენ, რომ ისრაელის ქმედებაზე საპასუხო რეაქციას გააკეთებენ.

ისრაელის პრემიერ მინისტრმა, ბენიამინ ნეთანიაჰუმ უცხოეთის ელჩებს განუცხადა, რომ ისრაელი საკუთარ თავს აუცილებლად დაიცავს. ეს განცხადება პრემიერმა აშკელონში, დაბომბვის შემდეგ ჩასვლისას გააკეთა.

პალესტინელთა განცხადებით, ბოლო კვირას ისრაელის მიერ განხოციელებული თავდასხმების შემდეგ ექვსი პალესტინელი დაიღუპა და ათობით დაიჭრა.

სამხედროების განცხადებით, ისრაელის ქალაქებში სულ 110-მდე რაკეტა ჩამოვარდა.