ერაყში აფეთქებების სერია განხორციელდა

ერაყში დაბომბვების სერიამ ქვეყნის მასშტაბით 23 ადამიანი იმსხვერპლა.

ორშაბათს ბაღდადში ასევე მოხდა შეიარაღებული შეტაკება მეამბოხეებსა და სამთავრობო ძალებს შორის. დაიღუპა 7 ადამიანი.

ბაღდადის კარადას რაიონში შიიტი მლოცველების მახლობლად დანაღმული ავტომობილი აფეთქდა, რომელსაც ხუთი ადამიანის სიცოცხლე ემსხვერპლა.

ქალაქ კირკუკში ბომბების აფეთქებისას ოთხი პოლიციელი დაიღუპა. დაბომბვებს ემსხვერპლა ერთი პოლიციელი ქალაქ ტუზ ხორმატოში და ორი ადამიანი ქალაქ ჰილაში.