ერაყში რამდენიმე თავდასხმა მოხდა

თვითმკვლელმა ტერორისტმა ერაყში არმიის საკონტროლო გამშვებ პუნქტთან თავი აიფეთქა. ინციდენტის შედეგად დაიღუპა 4 და დაშავდა 12 ადამიანი.

თავდასხმა მოხდა ბაღდადიდან 20 კილომეტრის მოშორებით მდებარე ქალაქ თაჯიშიც, სადაც აფეთქებას ორი ჯარისკაცი ემსხვერპლა.

თაჯიში უკანასკნელი სამი დღის განმავლობაში ეს მეორე თავდასხმაა. კვირას თვითმკვლელი ტერორისტის მიერ განხორციელებული თავდასხმის შედეგად 22 ადამიანი დაიღუპა.