ერაყის ოფიციალური პირების განცხადებით, აფეთქებებმა, რომელთა სამიზნეც ძირითადად პოლიციის თანამშრომლები იყვნენ, 25 ადამიანის სიცოცხლე იმსხვერპლა.
ერთი თავდასხმა ბაღდადის ცენტრში, პოლიციის განყოფილაბასთან მოხდა, ხოლო მეორე კი ასევე პოლიციის შენობასთან ქალაქის ჩრდილოეთ ნაწილში ჰურიას რაიონში. ორივე თავდასხმა თვითმკვლელმა ტერორისტებმა განახორციელეს.
პოლიციის განცხადებით, აფეთქებების შედეგად ათობით ადამიანია დაშავებული.