ანტი-ამერიკულად განწყობილმა ერაყელი შიიტების სულიერმა ლიდერმა საკუთარ მიმდევრებს სთხოვა ამერიკელების წინააღმდეგ თავდასხმების შეწყვეტა. მან ეს მოთხოვნა იმით ახსნა, რომ არ უნდა ამერიკელებს დამატებითი მიზეზი მისცეს, იმისთვის, რომ მათ ერაყში ჯარები დატოვონ.
მოხტადა ალ სადრმა ეს განცხადაბა საკუთარ ვებ გვერდზე გამოაქვეყნა. განცხადებაში ასევე ნათქვამია, რომ თუ ამერიკელები დაგეგმილ ვადაზე მეტ ხანს დარჩნენ ერაყში, მათ წინააღმდეგ თავდასხმები მოიმატებს.
ერაყში ამჟამად 50 ათასამდე ჯარისკაცია დისლოცირებული. მათი გამოყვანა წლის ბოლომდე უნდა დასრულდეს.