შეერთებული შტატების ყოფილი პრეზიდენტი, უფროსი ჯორჯ ბუში დაცემის შედეგად, კისრის არეში მოტეხილობის დიაგნოზით, საავადმყოფოში გადაიყვანეს. ის ყოფილი პრეზიდენტის უმცროსი ჯორჯ ბუშის და პრეზიდენტობის კანდიდატის ჯებ ბუშის მამაა.
პრეს-სპიკერის ჯიმ მაკგრათის ცნობით, 91 წლის ექსპრეზიდენტი, რომელიც ამერიკის პრეზიდენტი 1989-1993 წლებში იყო, მეინის შტატის ქალაქ პორტლანდის კლინიკაში დააწვინეს. ის ქვეყნის ჩრდილო-აღმოსავლეთით მდებარე საოჯახო აგარაკზე ქალაქ კენებანკპორტში ისვენებდა. სპიკერის განცხადებით, ექსპრეზიდენტის ჯანმრთელობის მდგომარეობა დამაკმაყოფილებელია და ექიმები საავადმყოფოში მისი დიდი ხნით დატოვებას არ გეგმავენ.
