ბმულები ხელმისაწვდომობისთვის

თურქეთის სანაპიროსთან კიდევ ერთი ნავი ჩაიძირა, რომელსაც მიგრანტები საბერძნეთის კუნძულამდე უნდა მიეყვანა. ნავში მყოფი ორი ქალი და 5 ბავშვი დაიღუპა.

თურქეთის სახელმწიფო მედიის ცნობით, ნავი ეგეოსის ზღვაში, იზმირის პროვინციის სიახლოვეს ჩაიძირა. ამავე ინფორმაციით, მოხერხდა 9 ადამიანის გადარჩენა, მათგან 4 წარმოშობით ერაყიდან, სამი - სომალიდან, ორი კი - თურქეთიდანაა. ერთ მიგრანტს ჯერ კიდევ ეძებენ.

სახელმწიფო მედია სააგენტო „ანადოლუ“ ასევე ავრცელებს ინფორმაციას იმის შესახებ, რომ პოლიცია ერთ კონტრაბანდისტს ეძებს, რომელმაც ნავი მაშინვე დატოვა, როგორც კი მან ჩაძირვა დაიწყო.

Facebook Forum

XS
SM
MD
LG