ბმულები ხელმისაწვდომობისთვის

პირბადეებმა შესაძლოა კოვიდ19-ის პანდემიის მომდევნო ტალღები შეაჩეროს


პანდემიის პიკი მსოფლიომ შეიძლება ითქვას უკვე გადაიარა და ქვეყნების დიდმა ნაწილმა გახსნაც დაიწყო, სპეციალისტები კი ახალი კორონავირუსის კვლევას აგრძელებენ. სპეციალისტების ნაწილი ფიქრობს, რომ პანდემიის მომდევნო ტალღა გვიანი შემოდგომისთვის იქნება თუმცა ბრიტანელი სპეციალისტების დასკვნა იძლევა იმის ვარაუდის საფუძველს, რომ შესაძლოა მომდევნო ტალღები ვერ ვიხილოთ ან ის გაცილებით სუსტი იყოს ვიდრე მოლოდინი იყო.

კოვიდ19-ის მომდევნო ტალღების შემცირების მთავარი წყარო არა საგანგებო მდგომარეობა და აკრძალვები, არამედ შეიძლება პირბადეები გახდეს, რომელიც დღეს მსოფლიოს ბევრ ქვეყანაში აუცილებელი ნივთია. ბრიტანელი სპეციალისტები კემბრიჯიდან ამბობენ, რომ ახალი კორონავირუსის შეკავება პირბადეებს შეუძლიათ.

დასკვნაში წერია, რომ ამისთვის საჭირო მხოლოდ სამედიცინო ნიღბები არ არის, მეცნიერები ფიქრობენ, რომ ხელნაკეთ პირბადესაც შეუძლია თავისი დიდი როლი შეიტანოს ვირუსის გავრცელების პრევენციის საქმეში.

ბრიტანელი სპეციალისტები თვლიან, რომ პირბადეების გამოყენება და სოციალური დისტანცირების დაცვა შესაძლებელს ხდის პანდემიის მართვას და ეკონომიკების გახსნას, მანამ, სანამ ვაქცინაზე მუშაობა დასრულდება. ბრიტანელების კვლევის შესახებ ინფორმაცია სამეცნიერო ჟურნალში Proceedings of Royal Society A უკვე გამოქვეყნდა.

პირბადეების გამოყენების შესახებ რეკომენდაცია გასულ პარასკევს მსოფლიო ჯანდაცვის ორგანიზაციამაც გასცა.

Facebook Forum

XS
SM
MD
LG