ბმულები ხელმისაწვდომობისთვის

ტრამპი ამერიკელებს ერთობისკენ მოუწოდებს და ევროპიდან ფრენებს 30 დღის განმავლობაში კრძალავს


კორონავირუსის გავრცელებათან დაკავშირებით, რამდენიმე წუთის წინ, ამერიკის შეერთებული შტატების პრეზიდენტმა, მოსახლეობას მიმართა. პრეზიდენტმა დონალდ ტრამპმა თეთრი სახლიდან ამერიკელებს ერთობისკენ მოუწოდა და მათ ახალი ზომების მიღების შესახებ აუწყა.

პრეზიდენტის გადაწყვეტილებით, პარასკევს ღამის 12 საათიდან, ამერიკის შეერთებული შტატები ევროპიდან რეისების და ტვირთის მიღებას 30 დღის ვადით წყვეტს. ტრამპის გადაწყვეტილება ჯერჯერობით არ ვრცელდება დიდ ბრიტანეთზე.

გარდა ამისა, პრეზიდენტი ამბობს, რომ თეთრი სახლი მთელი რიგი ღონისძიებების გატარებას გეგმავს. მათი ნაწილი კორონავირუსის გავრცელების გამო, ამერიკული ბიზნესებისთვის ზიანის შემცირებისკენ იქნება მიმართული. გამოსვლისას პრეზიდენტმა კიდევ ერთხელ აღნიშნა, რომ კორონავირუსთან ბრძოლისთვის ამერიკის შეერთებულმა შტატებმა უკვე გამოყო 8.3 მილიარდი დოლარი.

თეთრ სახლში გამართულ პრესკონფერენციამდე, პრეზიდენტმა ტრამპმა ტვიტერის ოფიციალურ გვერდზე დაწერა: "ეს დრო უნდა განხილული იყოს, როგორც ერთიანობის და სიმტკიცის დრო. ჩვენ გვყავს საერთო მტერი, მთელი მსოფლიოს მტერი - კორონავირუსი. ჩვენ უნდა დავძლიოთ ის რაც შეიძლება სწრაფად და საშიში შედეგების გარეშე. ჩემთვის არაფერია უფრო მნიშვნელოვანი, ვიდრე შეერთებული შტატების უსაფრთხოება"

Facebook Forum

XS
SM
MD
LG