ბმულები ხელმისაწვდომობისთვის

ევროპარლამენტარი ანა ფოგიტა: საქართველო 1990-იანი წლებში ბრუნდება


ანა ფოტიგა

პოლონელი ევროპარლამენტარი ანა ფოტიგა სასამართლოს მიერ ნიკა მელიასთვის წინასწარი პატიმრობის მისჯას ეხმიანება. ის ამბობს, რომ "ერთ დროს სამაგალითო საქართველო ახლა გასული საუკუნის 90-იან წლებში ბრუნდება." იგი შეშფოთებულია საქართველოდან მიღებული ცნობებით მიმდინარე მოვლენების შესახებ.

„მაშფოთებს ცნობები საქართველოდან, ქვეყნიდან, რომელიც წარსულში სამაგალითო იყო სხვებისთვის, ახლა კი მიდის თავისი ბობოქარი წარსულისკენ, როგორც 1990-იან წლებში. მიუღებელია „ნაციონალური მოძრაობის“ თავმჯდომარის, ნიკა მელიას დაკავება“ - წერს „კონსერვატორებისა და რეფორმატორების ჯგუფის“ წარმომადგენელი, ევროპარლამენტარი, ანა ფოტიგა.

სოციალურ ქსელში ფოტიგა წარსულში, ასევე საუბრობდა საქართველოში პოლიტიკურ ანგარიშსწორებასა და პოლიტპატიმრების არსებობაზე.

ანა ფოტიგას განცხადება, მის "ფეისბუქ" გვერდზე
ანა ფოტიგას განცხადება, მის "ფეისბუქ" გვერდზე

ევროპელმა დეპუტატმა პოლიტპატიმრების გათავისუფლებად მიიჩნია ოპოზიციონერი ლიდერების - გიგი უგულავასა და ირაკლი ოქრუაშვილის შეწყალება პრეზიდენტის მიერ. ამ ფაქტთან დაკავშირებით მის მიერ გამოქვეყნებულ განცხადებას "ტვიტერზე" შემდეგი სიტყვებით გამოეხმაურა საქართველოს პრეზიდენტი, სალომე ზურაბიშვილი - „მე არ შემიწყალებია პოლიტიკური პატიმრები“.

ინფორმაცია პირველად "რადიო თავისუფლებამ" გაავრცელა.

Facebook Forum

XS
SM
MD
LG