რესპუბლიკური და დემოკრატიული პარტიის მოწინავე საპრეზიდენტო კანდიდატებმა გუშინ გამართულ პრაიმერებში წამყვანი პოზიციები გაიმყარეს.
რესპუბლიკელმა დონალდ ტრამპმა არიზონაში თავისუფლად გაიმარჯვა, სადაც მის რესპუბლიკელ ოპონენტ ტედ კრუზთან შედარებით ხმების 20 პროცენტით მეტი დააგროვა. ტედ კრუზმა იუტას შტატში გაიმარჯვა.
ვერმონტის დემოკრატმა სენატორმა ბერნი სანდერსმა ჰილარი კლინტონს იუტაში აჯობა და ხმების 70 პროცენტი დააგროვა. კლინტონმა არიზონაში გაიმარჯვა.