ჩინეთს კანონში ცვლილება შეაქვს

ჩინეთის კომუნისტური პარტია აცხადებს, რომ შეამსუბუქებს კანონს, რომელიც უკვე ათწლეულების მანძილზე ჩინეთის მოსახლეობას ერთ შვილზე მეტის ყოლას უკრძალავს და გააუქმებს შრომა-გასწორების კოლონიებს.

სახელმწიფო საინფორმაციო სააგენტო სინხუას ინფორმაციით, წყვილს ორი შვილის ყოლის უფლება მიეცემა იმ შემთხვევაში, თუ მშობლებიდან ერთ-ერთი დედისერთა შვილია.

სინხუა ასევე აცხადებს, რომ ჩინეთში დაიხურება შრომა-გასწორების კოლონიები, რომლებშიც პოლიციის მიერ ბრალდებული ადამიანი სასამართლო განაჩენის გარეშე შესაძლოა წლების მანძილზე გაეგზავნათ.