დღეს, ჩრდილოეთ კაროლინის ქალაქ შარლოტში, სამდღიანი კომენდანტის საათის შემდეგ, ადამიანებს თავისუფლად გადაადგილება შეუძლიათ. კომენდანტის საათი ღამის განმავლობაში მოქმედებდა და პოლიციის მიერ მოქალაქის მოკვლის გამო გამართული პროტესტების გასაკონტროლებლად იყო დაწესებული.
პირველი რამდენიმე დღის განმავლობაში პროტესტები ძალადობაში გადაიზარდა და კომენდანტის საათის შემოღების შემდეგ უფრო მშვიდობიანი ხასიათი მიიღო, თუმცა პოლიციამ განაცხადა, რომ პრობლემების არარსებობის შემთხვევაში კომენდანტის საათის აღსრულებას არ მოახდენდა.