ბოსტონის მარათონის ფინიშის ხაზზე აფეთქება მოხდა

ბოსტონის ყოველწლიური მარათონის ფინიშის ხაზთან ორი აფეთქება მოხდა. წინასწარი მონაცემებით დაშავებულია ათობით ადამიანი. მსხვერპლის შესახებ ინფორმაცია ჯერ არ დადასტურებულა.

ამ წუთებში გავრცელებულ ვიდეო მასალაზე აღბეჭდილია ადგილზე არსებული ქაოსი და აფეთქების შედეგად დაზიანებული და დანაგვიანებული ქუჩები. სასწრაფო დახმარების მანქანებს დაშავებული ადამიანები საავადმყოფოებში გადაჰყავთ.