ისლამაბადში საპროტესტო აქცია მოეწყო. აქციაში მონაწილეობდნენ ავღანეთის საზღვრის მიმდებარე ტერიტორიაზე მცხოვრებნი, რომლებიც აპროტესტებენ იმ რაიონში აშშ-ს მიერ განხორციელებულ ავიადარტყმებს. ავიადარტყმები ხორციელდება უპილოტო საფრენი აპარატებით. აშშ-ს მიაჩნია, რომ იმ რეგიონში თალიბები და ალყაიდას მებრძოლები მოქმედებენ. საპროტესტო აქციაში მონაწილეები იმუქრებიან აშშ-ს წინააღმდეგ სარჩელის აღძვრით, თუ იგი ასობით მილიონ დოლარს არ გადაუხდის ამ დარტყმების შედეგად დაღუპული მშვიდობიანი მოსახლეობის ნათესავებს.