იაპონიამ ახალი სამხედრო პრიორიტეტები დაამტკიცა. დოკუმენტში ცივი ომის დროინდელი რუსული საფრთხის მაგივრად, ახალ მუქარად განხილულია ჩინეთი და ჩრდილოეთ კორეის ბირთვული პროგრამა.
იაპონიის ეროვნული თავდაცვის პროგრამის მთავარი პრიორიტეტები დღეს გამოცხადდა. დოკუმენტში ჩინეთი უფრო დიდ საფრთხედ არის მიჩნეული, ვიდრე რუსეთი.
ტოკიოს ჩინეთის შეიარაღებული ძალების სწრაფი მოდერნიზაცია და სამეზობლო წყლებში აქტიურობა აშფოთებს. პეკინი ტოკიოს ამ განცხადებას გამოეხმაურა. ჩინეთის ხელისუფლების წარმომადგენლების განცხადებით, იაპონიამ ჩინეთის განვითარებაზე უპასუხისმგებლო განცხადება გააკეთა.