პრეზიდენტ ობამას ადმინისტრაცია 300,000-მდე არალეგალი იმიგრანტის საქმის გადახედვას აპირებს, რომლებსაც შეერთებული შტატებიდან დეპორტაცია ემუქრებათ. ეს გარემოება ამ ადამიანებს ამერიკაში დარჩენის შანსს აძლევს.
ამერიკელი კანონმდებლებისადმი მიმართულ წერილში შეერთებული შტატების შინაგანი უსაფრთხოების სამსახურის მდივანი ჯანეტ ნაპოლიტანო აღნიშნავს, რომ მეტი ყურადღებით უნდა მოეპყრან იმ ადამიანებს, ვისაც მრავალი წელი გაუტარებია ამერიკაში ყოველგვარი დანაშაულის გარეშე. რაც შეეხება კრიმინალებს მათი დეპორტაცია აუცილებელია საზოგადოების უსაფრთხოებისათვის.