აშშ-ის ოფიციალური პირები საშობაო დღესასწაულებთან დაკავშირებით მგზავრებს აფრთხილებენ, რომ უსაფრთხოების ზომები უფრო მეტად გამკაცრდება.
ტრანსპორტის უსაფრთოების ადმინისტრაცია უფრო ზედმიწევნით აკვირდება დალუქულ სასმელ ჭურჭელს, მას შემდეგ, რაც დაზვერვის სამსახურმა აუწყა, რომ ასაფეთქებლების შესანახად, მსგავსი ჭურჭელი იდეალური ადგილია. თუმცა ტრანსპორტის უსაფრთხოების ადმინისტრაცია იმასაც აცხადებს, რომ ამ ეტაპზე რაიმე რეალური საფრთხე არ არსებობს.
გასულ წელს ალ ყაიდას ორგანიზაციის წევრები დეტროიტში მიმავალი თვითმფრინავის აფეთქებას შეეცადნენ. მაშინ ასაფეთქებელი მოწყობილობა ბოროტმოქმედს საცვალში ჰქონდა დამალული.