8 დეკემბერს, სამშაბათს, იწურება სომხეთის პრემიერ-მინისტრ ნიკოლ ფაშინიანისთვის ოპოზიციის მიერ წაყენებული ულყიმატუმი. ეს მოთხოვნა ქვეყბის ოპოზიციურმა ძალებმა 5 დეკემბერს გამოთქვეს.
პრემიერის გადადგომის მოთხოვნით ათობით ათასი ადამიანი ერევნის ცენტრში შეიკრიბა. მიტინგის შემდეგ, შეკრებილებმა მთავრობის სასახლისკენ მოაწყვეს მსვლელობა.
17 ოპოზიციურმა პარტიამ პრემიერ-მინისტრობის კანდიდატად წამოაყენა ყოფილი პრემიერი ვაზგენ მანუკიანი. მანუკიანის თქმით, “ქვეყნის ისტორიაში ერთ-ერთ სამარცხვინო და დამანგრეველ მოვლენას ვაკვირდებით. საფრთხის წინაშე არა მხოლოდ ყარაბაღია, არამედ – სომხეთი და მისი მომავალი."
ოპოზიცია და დემონსტრანტები ფაშინიანის გადადგომას ყარაბაღის შეთანხმების გაფორმების გამო ითხოვენ. თუ პრემიერი ულტიმატუმს არ დაემორჩილება, ოპოზიცია უვადო გამოსვლებს გეგმავს.
Facebook Forum