ავღანეთის ოფიციალური პირების განცხადებით, კუნარის პროვინციაში სატვირთო მანქანაში დამონტაჟებული ბომბის აფეთქების შედეგად დაიღუპა 10 და მძიმედ დაშავდა 7 ადამიანი. აფეთქება ტომთა ბელადების შეხვედრის ადგილის ახლოს მოხდა.
პოლიციის თქმით, აფეთქების სამიზნე მუჯაჰიდების ყოფილი მეთაური მალიკ ზარინი იყო, რომელიც აფეთქების შედეგად გარდაიცვალა.
ავღანეთის პრეზიდენტმა და ნატოს ძალების სარდლობამ მომხდარი ინციდენტი დაგმეს.