საქართველოს რეინტეგრაციის მინისტრმა თემურ იაკობაშვილმა განაცხადა, რომ საფრანგეთის ჩარევის დამსახურებით სერიოზული დაძაბულობის განმუხტვა და აფხაზ სეპარატისტებთან ომის თავიდან აცილება გახდა შესაძლებელი. მინისტრის თქმით, ამ სერიოზული პროვოკაციის თავიდან აცილება საფრანგეთის საგარეო საქმეთა მინისტრს ბერნარდ კუშნერსა და რუსეთის საგარეო საქმეთა მინისტრს სერგეი ლავროვს შორის სატელეფონო საუბრის შედეგად მოხდა.