კალიფორნიის ქალაქ ბერკლში ულტრა-მემარჯვენეების საწინააღმდეგო აქცია გაიმართა, მიუხედავად იმისა, რომ ამ უკანასკნელთა დემონსტრაცია გაუქმდა. მსგავსი აქცია გაიმართა ასევე სან-ფრანცისკოს ყურეში. სადაც რამდენიმე ულტრა-მემარჯვენე და ულტრა-მემარცხენე დემონსტრანტებს შორის მცირე შეტაკება მოხდა. პოლიციამ 13 ადამიანი დააკავა.
პოლიციამ დემონსტრანტთა დასაცავად ზომები მიიღო, რათა თავიდან აეცილებინა თებერვალის მოვლენების გამეორება. თებერვალში, კალიფორნიის უნივერსიტეტის ბერკლის კამპუსზე სტუდენტებმა ხმაურიანი აქცია გამართეს. ისინი კონსერვატიული გამოცემა „ბრაითბარტის“ ყოფილი რედაქტორის მილო იანოპოლუსის დაგეგმილ გამოსვლას აპროტესტებდნენ. შედეგად იანოპოლუსის გამოსვლა გადაიდო.
Facebook Forum