ბმულები ხელმისაწვდომობისთვის

შსს: "აქციამ მიიღო ძალადობრივი ხასიათი"


საქართველოს შინაგან საქმეთა სამინისტრო სპეციალურ განცხადებას ავრცელებს და ამბობს, რომ რუსთაველის გამზირზე, პარლამენტის შენობის მიმდებარე ტერიტორიაზე მიმდინარე საპროტესტო აქციამ "მიიღო ძალადობრივი ხასიათი, აქციის მონაწილეების მხრიდან მოხდა პარლამენტის ერთ-ერთი შესასვლელის ბლოკირების მცდელობა და სამინისტროს მოსამსახურეებზე ადგილი აქვს ძალადობის ფაქტებს."

შინაგან საქმეთა სამინისტრო ამბობს, რომ ის, "როგორც მართლწესრიგისა და მოქალაქეთა უსაფრთხოების დაცვაზე პასუხისმგებელი უწყება, იცავს ჩვენი მოქალაქეების საქართველოს კონსტიტუციით გარანტირებულ მშვიდობიანი შეკრებებისა და მანიფესტაციის გამართვის უფლებას, ამასთანავე, მოვუწოდებთ აქციის ორგანიზატორებს და პოლიტიკურ ლიდერებს, არ დაუშვან ძალადობისკენ მოწოდებები და უზრუნველყონ, რომ აქციამ არ მიიღოს ძალადობრივი ხასიათი".

სამინისტროს თქმით, აქციის მიმდინარეობისას, სამართალდარღვევის ნებისმიერი ფაქტი პოლიციის მიერ, კანონის ფარგლებში, დაუყოვნებლივ იქნება აღკვეთილი.

"იმ შემთხვევაში, თუ შეკრებილები არ დაემორჩილებიან პოლიციელთა კანონიერ მოთხოვნას და სამართალდამცველებს გაუწევენ წინააღმდეგობას, პოლიცია გამოიყენებს კანონით გათვალისწინებულ პროპორციულ ძალას, მათ შორის, სპეციალურ საშუალებებს", - ამბობს სამინისტრო.

პარლამენტმა დღესვე დაუგეგმავად განიხილა და კენჭი უყარა კანონპროექტს „უცხოური გავლენის გამჭვირვალობის შესახებ“, რომელიც უმრავლესობის დეპუტატებმა მოამზადეს. პარლამენტმა კანონპროექტი ერთი მოსმენით, 76 ხმით უკვე მიიღო, წინააღმდეგი იყო 13 დეპუტატი.

XS
SM
MD
LG