შაბათი, 20 სექტემბერი, 2014

აშშ

ჯო ბაიდენი - ბარაკ ობამას საყრდენი

უბრალო წარმომავლობა ვიცე-პრეზიდენტის მთავარი პოლიტიკური სიმდიდრეა

შეერთებული შტატების საპრეზიდენტო არჩევნებამდე სულ უფრო ცოტა დრო რჩება. ვიცე-პრეზიდენტი ჯო ბაიდენი, პრეზიდენტ ობამასთან ერთად, გაწეული სამუშოს შედეგებს აჯამებს. პრეზიდენტი ობამაც თავის საარჩევნო კამპანიაში ვიცე-პრეზიდენტის კანდიდატის შეცვლას არ გეგმავს და ისინი კვლავ ერთად წარდგებიან ამომრჩევლის წინაშე. დეტალებს ჯო ბაიდენის ფაქტორის შესახებ „ამერიკის ხმის“ კორესპონდენტი კენტ კლეინი არკვევდა.

ბევრი ანალიტიკოსი ფიქრობს, რომ ქვეყანაში უმუშევრობის მაღალი დონის და ეკონომიკური პრობლემების გამო, პრეზიდენტ ბარაკ ობამას არჩევნებში გამარჯვება გაუჭირდება. ბარაკ ობამას საარჩევნო კამპანიაც ეკონომიკურ პრობლემებზეა კონცენტრირებული, ამდენად მისი ყურადღება საშუალო ფენაზე და მუშათა კლასზეა კონცენტრირებული.

პრეზიდენტი ობამა საშუალო ფენისთვის გადასახადების შემცირებას ითხოვს.  რესპუბლიკელთა კანდიდატი მიტ რომნი კი, ეკონომიკის გაჯანსაღებას ბიზნესებისთვის გადასახადების შეკვეცაში ხედავს. ამაზე კომენტარი გააკეთა ვიცე-პრეზიდენტმა ჯო ბაიდენმა. 

„რა სიახლეა მათ გეგმაში? ეს არ არის სიახლე. ეს არ არის სამართლიანი და ვისაც ამ გეგმის განხორციელებისთვის საფასურის გადახდა მოუწევს, ეს იქნება საშუალო ფენა და ღარიბი მუშათა კლასი,“ - განაცხადა ჯო ბაიდენმა.

სენტ ლუისის უნივერსიტეტის სამართლის პროფესორი ჯოილ გოლდსტეინი ამბობს, რომ ბაიდენმა საშუალო ფენისადმი მიმართვა საგრძობლად დახვეწა.

„პრეზიდენტის მიზანი მუშათა კლასთან, საშუალო ფენასთან ურთიერთობაა, რომლებიც დემოკრატების ამომრჩევლები არიან, რომლებიც 2008 წელს უფრო მეტად იმჟამინდელი სენატორის ჰილარი კლინტონის მხარეს იხრებოდნენ,“ - იხსენებს გოლდსტეინი.

დემოკრატები ხშირად ახსენებენ ჯო ბაიდენის უბრალო წარმომავლობას. ის პენსილვანიის შტატის სამრწველო ქალაქ სკრანტონში დაიბადა. მამა ხშირად უმუშევარი იყო. როდესაც ათი წლის იყო, მამამისი სამუშაოდ დელავერის ქალაქ ვილმინგტონში გადავიდა. გოლდსტეინი ამბობს, რომ ბაიდენს საკუთარი წარსული უადვილებს საშუალო ფენასთან და მშრომელ კლასთან ურთიერთობას. ანალიტიკოსები ამბობენ, რომ მას ადვილად შეუძლია, ეკონომიკურად გაჭირვებულ ოჯახებთან ურთიერთობა და ეს კარგად გამოჩნდა მინესოტას ქალაქ მინეაპოლისში ბაიდენის გამოსვლის დროს.

„მე ვსაუბრობ ხანგრძლივი გზის შესახებ. ეს ხანგრძლივი გზა კი შესაძლაო კიბეებზე ასვლა და შვილის საძინებელში შესვლა იყოს, როდესაც ბავშვს ეუბნები - იცი ძვირფასო, შენ მომავალ წელს სიმღერის გუნდში ვეღარ ივლი. შენ ამ ლიგაში ვეღარ ითამაშებ, რადგან სამსახურები დავკარგეთ და ბანკი გვეუბნება, რომ ამ სახლში ვეღარ ვიცხოვრებთ. თქვენ იცნობთ და იცით ეს ადამიანები, ვისაც ეს გზა გაუვლია. “

ვირჯინიაში გამოსვლისას ბაიდენმა ასევე გააკრიტიკა რესპუბლიკელების ფავორიტი მიტ რომნის ეკონომიკური პოლიტიკა და ის აფროამერიკელების და სხვების დამონების მცდელობად შეაფასა. ანალიტიკოსი გოლდსტეინი ამბობს, რომ ბაიდენის მცირე შეცდომად შეიძლება ჩაითვალოს, ის რომ ამ გზავნილით მან ობამას კამპანიის მთავარი კურსიდან მცირედით გადაუხვია. თუმცა, ბაიდენი ობამას საპრეზიდენტო კამპანიაში პრეზიდენტის მთავარი ძალაა, რომლის მიზანსაც ქვეყნის მასშტაბით მშრომელ ძალასთან და საშუალო ფენასთან ურთიერთობის გაადვილება წარმოადგენს.
კომენტარები
     
კომენტარები არ არის. გთხოვთ, მოსაზრება პირველმა გამოთქვათ.

No records found for this widget:3211

Your JavaScript is turned off or you have an old version of Adobe's Flash Player. Get the latest Flash player.

ვიდეო ვაშინგტონი დღეს, 21 სექტემბერი, 2014

დღევანდელ გადაცემაში გთავაზობთ: ახალი კვლევა შეზღუდული შესაძლებლობების მქონე ადამიანებს სიცოცხლის ხარისხის გაუმჯობესებაში დაეხმარება; კავშირი მოდასა და ფულის გათეთრებას შორის; კომპანია ეფლმა ორი ახალი აიფოუნი გამოუშვა...


ვიდეო ვაშინგტონი დღეს

ყოველკვირეული 15 წუთიანი ანალიტიკური პროგრამა, რომელშიც მოისმენთ ამერიკელი და ქართველი ექსპერტების ანალიზს მიმდინარე პოლიტიკური მოვლენების შესახებ და გაეცნობით ამერიკაში მცხოვრები ცნობილი ქართველების ისტორიებს.


ვიდეო ვაშინგტონი დღეს, 14 სექტემბერი, 2014

დღეს გადაცემაში ნახავთ: უპრეცედენტო არტ-კამპანია ამერიკის 100 ქალაქში, შეერთებულ შტატებში მინიმალური ხელფასის გაზრდას ითხოვენ, თუმცა კაპიტოლიუმზე ამ თემის განხილვისთვის საფუძველი მზად არ არის. საფრანგეთი რუსეთს მისტრალს აღარ მიჰყიდის - რატომ მიიღო პარიზმა ეს გადაწყვეტილება?

ინტერაქტივი

ჩამოტვირთეთ „ამერიკის ხმის“ უფასო აპლიკაცია მობილური ტელეფონის და ტაბლეტისთვის

 
Download mobile app for your Android device.
Download mobile app for your iPhone or iPad.