ირანი მზად არის ურანის გამდიდრების პროცესის დასაწყებად

დასავლელი დიპლომატების ინფორმაციით, ირანი მზად არის ურანის გამდიდრების პროცესის დასაწყებად, რაც მიწისქვეშა ნაგებობებში განხორციელდება და ბირთვული იარაღის შესაძლო შექმნას შეუწყობს ხელს. ამის შესახებ ვენაში მოქმედმა დიპლომატებმა განაცხადეს, რომლებმაც საკუთარი ვინაობის გამჟღავნება არ ისურვეს. მათი თქმით, ირანის მთავრობამ ქალაქ ყუმთან ახალი ცენტრიფუგები დაამონტაჟა, რაც ურანის გამდიდრების პროცესს დააჩქარებს.