ბმულები ხელმისაწვდომობისთვის

იემენის დედაქალაქ სანააში კვლავ სროლებია


იემენის დედაქალაქ სანააში კვლავ სროლებია

ცეცხლის შეწყვეტის შეთანხმების მიუხედავად, მხარეებს შორის დაპირისპირება მაინც გრძელდება

ცეცხლის შეწყვეტის შეთანხმების მუხედავად იემენის დედაქალაქ სანააში გრძელდება სროლები. მთავრობის მომხრეთა და მოწინააღმდეგეთა შორის მიმდინარე შეიარაღებულ შეტაკებებს 70-ზე მეტი ადამიანი ემსხვერპლა და ასობით დაიჭრა.

აღსანიშნავია, რომ სროლები იემენის ვიცე-პრეზიდენტის აბედ რაბო მანსურ ჰადის სახლის მახლობლად მიმდინარეობს. ცეცხლის შეწყვეტის შეთანხმებას ხელისუფლების ერთგულმა ნაწილებმა და ოპოზიციის ძალებმა დაუჭირეს მხარი. ოპოზიციის მეომრები გენერალ ალი მოჰსენ ალ-აჰმარის დაქვემდებარებაში არიან, რომელიც ოპოზიციის მხარეზე მარტში გადავიდა.

შეიარაღებულმა დაპირისპირებამ სანაას ათასობით მცხოვრები აიძულა მიეტოვებინათ საკუთარი საცხოვრებელი სახლები და გარეუბნებში ეძებნათ თავშესაფარი. შეერთებული შტატების ხელისუფლებამ დაგმო იემენში მიმდინარე ძალადობა.

XS
SM
MD
LG