შეერთებული შტატების პრეზიდენტმა ბარაკ ობამამ ახალი ბრძანება გამოსცა, რომელიც ჩრდილოეთ კორეის წინააღმდეგ დამატებით ეკონომიკურ სანქციებს ითვალისწინებს. კონგრესის ხელმძღვანელობისადმი გაგზავნილ წერილში, პრეზიდენტი აცხადებს, რომ ამ ღონისძიების მიზანია ფხენიანის იძულება შეასრულოს გაეროს უშიშროების საბჭოს რეზოლუციები. ახალი ბრძანებულება ითვალისწინებს ჩრდილოეთ კორეისათვის ნებისმიერი საქონლის პირდაპირი ან არაპირდაპირი გზით მიწოდების და ასევე ტექნოლიგიური პროდუქციის მიყიდვის აკრძალვას.