აშშ-ს მიერ ეგვიპტის დახმარება გადაიხედება

ამერიკელი ოფიციალური პირები აცხადებენ, რომ ობამას ადმინისტრაცია ეგვიპტისადმი დახმარების გადახედვას გეგმავს. შესაძლოა, ამ ნაბიჯს ეგვიპტისათვის სამხედრო დახმარების შეკვეცაც მოჰყვეს პრეზიდენტ მოჰამედ მორსის განდევნიდან რამდენიმე თვეში.

ადმინისტრაციის ოფიციალურმა პირებმა, რომლებმაც ანონიმად დარჩენა არჩიეს, დასავლურ მედია საშუალებებთან საუბარში განაცხადეს, რომ ამერიკის პრეზიდენტის გადაწყვეტილება გავლენას არ იქონიებს სინას ნახევარკუნძულზე კონტრტერორისტული ან უსაფრთხოების ოპერაციების განხორციელებაზე.