ბმულები ხელმისაწვდომობისთვის

ტრამპის სასაზღვრო კედლის ნიმუშების პრეზენტაცია


ხუთშაბათს, შეერთებული შტატების ოფიციალურმა პირებმა სასაზღვრო კედლის 8 ნიმუში წარმოადგინეს. პრეზენტაცია მექსიკის საზღვართან, კალიფორნიის შტატში გაიმართა.

სასაზღვრო კედლის ნიმუშები ახლა "გამოცდის და შეფასების პერიოდს" გაივლიან. შემოწმდება მათი სიმტკიცე და პასუხი გაეცემა რამდენიმე კითხვას, მათ შორის: შესაძლებელია თუ არა მათი გამონგრევა, მათზე აძრომა, ქვემოდან გათხრა და ა. შ.

საბაჟო და სასაზღვრო დაცვის კომისრის მოადგილის მოვალეობის შემსრულებელმა რონალდ ვიტიელომ განაცხადა, რომ კედლების გამოცდას დაახლოებით ერთი-ორი თვე დასჭირდება. შემოწმება დაახლოებით ერთ თვეში დაიწყება.

დონალდ ტრამპმა ქვეყნის სამხრეთ საზღვარზე კედლის აგების თაობაზე საპრეზიდენტო განკარგულება ჯერ კიდევ იანვარში გამოსცა. ამერიკის პრეზიდენტმა კონგრესს მშენებლობის პირველი ეტაპის დაფინანსებისთვის $1.6 მილიარდი დოლარი მოსთხოვა.

Facebook Forum

XS
SM
MD
LG