ბმულები ხელმისაწვდომობისთვის

მაშველები ტაილანდის გამოქვაბულიდან მოზარდების ამოყვანას ცდილობენ


მყვინთავებმა 12 მოზარდი ფეხბურთელის და მათი მწვრთნელისთვის მაღალკალორიული ჟელატინის და წამლების მიწოდება შეძლეს. 13 ადამიანი ტაილანდში მომხდარი წყალდიდობის შემდეგ 9 დღეა გამოქვაბულშია გამომწყვდეული და მაშველები მათ გამოხსნას ჯერ კიდევ ცდილობენ.

“ცამეტივე უსაფრთხოდაა… ჩვენ მათ მივხედავთ, სანამ ამოყვანას შევძლებთ” - განაცხადა ადგილობრივი მთავრობის წარმომადგენელმა ორშაბათს მოწყობილ პრესკონფერენციაზე. ოფიციალური ინფორმაციის მიხედვით, ისინი სუსტად არიან, რადგან 9 დღე საკვები არ ჰქონდათ. ჯგუფის წევრებს აქვთ უმნიშვნელო დაზიანებები, მაგრამ სტაბილურ მდგომარეობაში იმყოფებიან.

მაშველებმა 5-წუთიანი ვიდეო გაავრცელეს. ვიდეოში კარგად ჩანს ყველა დაკარგული, საფეხბურთო ფორმაში გამოწყობილი 11-დან 16 წლამდე ბიჭები და მათი მწვრთნელი. ისინი გამოქვაბულის მშრალ ნაწილში არიან. ნაწილი დგას, ნაწილი კი ზის. ბავშვები მაშველების მიერ ანთებული ფარნების გამო თვალებზე ხელს იფარებენ.

Facebook Forum

XS
SM
MD
LG