ასადი ერდოღანს ადანაშაულებს

სირიის პრეზიდენტი ბაშარ ალ ასადი აცხადებს, რომ თურქეთის პრემიერ მინისტრი რეჯებ ტაიპ ერდოღანი, სირიაში მიმდინარე ამბოხებაზე ტყუილებს ავრცელებს.
ასადმა ეს კომენტარი თურქ ჟურნალისტებთან გააკეთა. მისი თქმით, თურქეთი და იორდანია ცეცხლს ეთამაშებიან და იმის საშიშროებას ქმნიან, რომ სირიის კონფლიქტი მათ ტერიტორიებზეც გავრცელდეს.
ასადმა ერდოღანი ისრაელთან თანამშრომლობაში და სირიის განადგურების განზრახვაში დაადანაშაულა.
თურქეთსა და იორდანიაში ასობით ათასი სირიელი ლტოლვილი ცხოვრობს.