პროგრესი კესონგის ობიექტთან დაკავშირებით

სამხრეთ კორეის განცხადებით, ჩრდილოეთ კორეასთან პროგრესი იქნა მიღწეული კესონგის ობიექტთან დაკავშირებით.
ამ ფონზე, სამხრეთ კორეის გაერთიანების მინისტრი ამბობს, რომ მხარეებს დამატებითი დრო ესაჭიროებათ შვიდი სამხრეთ კორეელის შინ დაბრუნებამდე რათა მოგვარდეს ისეთი საკითხები როგორიცაა გადაუხდელი გადასახადები და გაუსტუმრებელი ხელფასები.
ბოლო მომენტში დაპირისპირების შედეგად, აღნიშულ შვიდ მოხელეს საშუალება არ მიეცა ორმოცდასამ დანარჩენ მუშასთან ერთად დაეტოვებინა კომპლექსი. მათი დაბრუნების შემდეგ, ორ კორეას შორის საბოლოოდ გაწყდება მშვიდობიანი, დამაკავშირებელი არხი.
აპრილში, ფხენიანმა 52 000 თანამშრომელი უკვე გაიყვანა ამ კომპლექსიდან და სამხრეთ კორეის თანამშრომლებს ქარხნის ტერიტორიაზე შესვლა აუკრძალა.