რუსეთის პრეზიდენტმა დმიტრი მედვედევმა ფედერალური უშიშროების სამსახურის რამდენიმე მაღალჩინოსანი გაათავისუფლა. ამის მიზეზი კი მოსკოვში გასულ თვეს დომოდედოვოს აეროპორტში მომხდარი ტერორისტული აქტი გახდა. პრეზიდენტის პრესმდივნის განცხადებით, რუსეთში ფედერალური უშიშროების სამსახურის უფროსმა პრეზიდენტს წარუდგინა იმ ადამიანების სია, ვინც ტერორიზმის წინააღმდეგ ბრძოლაზეა პასუხისმგებელი. ამ ადამიანთა გათავისუფლების მიზეზი მუშაობის დროს დაშვებული შეცდომები გახდა.
საკადრო წმენდა რუსეთის უშიშროებაში
