ლეონ პანეტა ავღანეთში ჩავიდა

შეერთებული შტატების თავდაცვის მდივანი ლეონ პანეტა ავღანეთში ჩავიდა, სადაც ამ ქვეყნის პრეზიდენტს ჰამიდ კარზაის შეხვდება.

პენტაგონის შეფი გენერალ ჯონ ალენს და სხვა ამერიკელ სამხედროებსაც შეხვდება, რომლის დროსაც 2014 წლის შემდეგ ავღანეთში დასატოვებელი ჯარების რაოდენობაზე იმსჯელებენ.

ამჟამად ავღანეთში 68 000 ამერიკელი სამხედრო მოსამსახურე იმყოფება. 2014 წლის შემდეგ პენტაგონი ამ ქვეყანაში 15 000 ჯარისკაცის დატოვებას აპირებს, რომლებიც კონტრტერორისტულ ოპერაციებსა და ავღანეთის არმიის გაწვრთნაში მიიღებენ მონაწილეობას.