პრეზიდენტი ბარაკ ობამა დღეს, დალასში, დემონსტრაციის დროს, სნაიპერის მიერ ხუთი მოკლული პოლიციელის პანაშვიდზე სიტყვით გამოდის.
მისი პრეზიდენტობის პერიოდში ეს მეთერთმეტე შემთხვევაა, როცა ის საზოგადოებას მასობრივი სროლის შემდეგ მიმართავს.
დალასში, მასთან ერთად, ვიცე პრეზიდენტი ჯო ბაიდენი და მისი წინამორბედი, ყოფილი პრეზიდენტი ჯორჯ ბუში არიან. თეთრი სახლის პრეს-მდივანმა, ჯოშ ერნესტმა თქვა, რომ პრეზიდენტს სურს, დალასის თავდასხმის და პოლიციის მიერ ორი აფრო-ამერიკელის სასიკვდილოდ დაჭრის შემდეგ, ქვეყნის მთელ მოსახლეობას ნუგეში სცეს.
პანაშვიდის წინ, დალასში ათასზე მეტმა ადამიანმა მიიღო მონაწილეობა ანთებული სანთლებით ღამის თევაში.