ჩრდილოეთ კორეის რაკეტები

ჩრდილოეთ კორეამ ორშაბათს ორი მოკლე რადიუსის რაკეტა გაისროლა აღმოსავლეთის ზღვაში. ეს მეექვსე გასროლაა, რომელიც ფხენიანმა უკანასკნელი სამი დღის მანძილზე განახორციელა.

სამხრეთ კორეის თავდაცვის მინისტრის განცხადებით, ჩრდილოეთ კორეამ ერთი რაკეტა აღმოსავლეთის, იგივე იაპონიის ზღვაში დილით ადრე, მეორე კი ნაშუადღევს გაისროლა.

სამხრეთ კორეის, დასავლეთისა და რეგიონალური ქვეყენბის არაერთი მოთხოვნის მიუხედავად, ჩრდილოეთ კორეა აგრძელებს რაკეტების საცდელ გასროლებს.

საერთაშორისო თანამეგობრობის მიერ გაჟღერებულ კრიტიკას ჩრდილოეთ კორეამ განცხადებით უპასუხა, სადაც ფხენიანი აცხადებს, რომ სამხედრო წვრთნები ნებისმიერი სუვერენული ქვეყნის უფლებაა.