აშშ-ის ყოფილი პირველი ლედი ნენსი რეიგანი 94 წლის ასაკში გარდაიცვალა.
ნენსი რეიგანის წარმომადგენელმა ჯოან დრეიკმა ტელეკომპანია ენ-ბი-სის განუცხადა, რომ ქალბატონი რეიგანი გულის შეტევით გარდაიცვალა.
მას სიმის დაბლობზე, კალიფორნიის შტატში, რონალდ რეიგანის საპრეზიდენტო ბიბლიოთეკაში ყოფილი პრეზიდენტის-რონალდ რეიგანის გვერდით დაკრძალავენ. რონალდ რეიგანი 2004 წლის 5 ივნისს გარდაიცვალა.
ნენსი რეიგანის ერთერთი მთავარი ძალისხმევა ნარკოტიკებთან ბრძოლის კამპანიის ფარგლებში იყო ინიციატივა "თქვი არა". ბოლო წლებში ის ალცჰეიმერის წინააღმდეგ, განსაკუთრებით კი რონალდ რეიგანის ამ დაავადებით დიაგნოზის შემდეგ, აქტიურად იბრძოდა.