აფეთქება ბენღაზიში

ლიბიის ოფიციალური პირებიც ცნობით, პოლიციის შენობასთან ავტომობილის აფეთქების შედეგად სამი ადამიანი დაიჭრა. აფეთქება დღეს ქალაქ ბენღაზიში მოხდა, რომელიც ქვეყანაში სიდიდით მეორე ქალაქია. სექტემბერში, ამავე ქალაქში ამერიკის საკონსულოზე მომხდარი თავდასხმის შედეგად შეერთებული შტატების ელჩი და სამი ამერიკელი დაიღუპა.

ლიბიის ახალი მთავრობა შეიარაღებულ უკანონო ჯგუფებთან ბრძოლას აწარმოებს და ქვეყანაში წესრიგის დამყარებას ცდილობს, მას შემდეგ, რაც გასულ წელს რევოლუციის შედეგად დიქტატორი კადაფი დაამხეს და მოკლეს. რევოლუცია კადაფის წინააღმდეგ სწორედ ბენღაზიდან დაიწყო.