ბმულები ხელმისაწვდომობისთვის

ლიბიაში გრძელდება გააფთრებული ბრძოლები


ლიბიაში გრძელდება გააფთრებული ბრძოლები

ლიბიაში გრძელდება გააფთრებული ბრძოლები, ქალაქ ბრეგას გარშემო, მუამარ კადაფის ერთგულ ნაწილებსა და ოპოზიციის ძალებს შორის.

ბრეგა ხმელთაშუაზღვის სანაპიროს ერთ-ერთი სტრატეგიული მნიშვნელობის ნავთობის პორტია, რომელიც რამდენჯერმე გადავიდა ხელიდან ხელში. პარასკევს ნატოს თვითმფრინავებმა ბრეგას მისადგომებთან შეცდომით დაბომბეს მეამბოხეთა ძალები. ჩრდილო-ატლანტიკური ალიანსი ამ საქმის გამოძიებას აწარმოებს.

კადაფის მომხრეები ჯერ-ჯერობით აკავებენ მეამბოხეთა მსუბუქად შეიარაღებული ძალების იერიშებს, რომლებმაც ბრეგას უნივერსიტეტის მიმდებარე ტერიტორია დაიკავეს.

ოპოზიციის შეიარაღებული ძალები ამჟამად გადაჯგუფებას ცდილობენ და ფრონტის წინა ხაზზე საბრძოლველად შედარებით გამოცდილ სამხედრო პროფესიონალებს აგზავნიან.

XS
SM
MD
LG