ქუვეიტში ოპოზიციამ არჩევნებს ბოიკოტი გამოუცხადა

ქუვეიტის ოპოზიცია აცხადებს, რომ ბოიკოტი გამოუცხადა არჩევნებს, რომელიც ახალი საარჩევნო კანონის მიხედვით პირველად გაიმართა.
ოფიციალური პირების განცხადებით, გუშინ გამართულ არჩევნებში მონაწილეობა ამომრჩევლის 39-მა პროცენტმა მიიღო, რაც სხვა არჩევნებთან შედარებით დაბალი მაჩვენებელია. მაგალითად, გასულ არჩევნებზე ამომრჩევლის აქვივობა 60 პროცენტი იყო.

შაბათს გამართულ არჩევნებში მოსახლეობამ საამიროს პარლამენტის 50-ვე წევრს უყარა კენჭი. შიიტურმა უმცირესობამ ადგილების ერთი მესამედი მოიპოვა, რაც უკანასკნელი წლების განმავლობაში უპრეცედენტო რაოდენობაა.