ხვალ აზერბაიჯანში დაგეგმილი საპროტესტო აქციის წინ „ფრიდომ ჰაუსი“ მოუწოდებს აზერბაიჯანის ხელისუფლებას გამოიჩინოს მოთმინება და პატივი სცეს შეკრების და აზრის გამოხატვის უფლებას. ახლახანს ბაქოში სამი ახალგაზრდის დაკავებამ და საჯარო მოწოდებებმა სოციალური ქსელის „ფეისბუქის“ აკრძალვასთან დაკავშირებით შეშფოთება გამოიწვია, ნათქვამია „ფრიდომ ჰაუსის“ განცხადებაში.
„აზერბაიჯანში აქტივისტების წინააღმდეგ მიმართული ღონისძიებები რეპრესიების ნათელი გამოხატვაა და ეს გამოიწვევს არა მარტო საერთაშორისო კრიტიკას, არამედ ფართო სოციალურ უკმაყოფილებასაც,“ - განაცხადა „ფრიდომ ჰაუსის“ აღმასრულებელმა დირექტორმა - დევიდ კრამერმა.