ჩინეთის პრეზიდენტმა სი ძინპინმა ახლო აღმოსავლეთში პირველი ვიზიტი დაასრულა. საუდის არაბეთი, ირანი და ეგვიპტე პეკინთან ურთიერთობების გამყარების პირობას დებენ.
ძინპინი ირანში მას შემდეგ ჩავიდა, რაც თეირანს საერთაშორისო ეკონომიკური სანქციები მოეხსნა. დიპლომატიურ წრეებში ჩინეთის ირანთან და საუდის არაბეთთან მიმდინარე პოლიტიკური მოვლენებით ინტერესდებიან. ზოგიერთი ანალიტიკოსი მიიჩნევს, რომ შესაძლოა ჩინეთი რეგიონში გავლენის გაზრდას და დასავლეთის გავლენის შესუსტებას ცდილობს.