მსოლფიოს ყველაზე ცნობილი ტერორისტის, უსამა ბინ ლადენის მიერ ახლახანს გავრცელებულ აუდიო მიმართვაში ნათქვამია, რომ საფრანგეთის 5 მოქალაქის გატაცება, პარიზის მიერ ბოლო დროს მუსლიმების მიმართ ცუდი მოპყრობის შედეგია.
აუდიო მასალა დღეს ტელეკომპანია ალ ჯაზირას მეშვეობით გავრცელდა. ბინ ლადენი საფრანგეთს ავღანეთიდან ჯარების გაყვანისკენ მოუწოდებს. მისივე თქმით, მუსლიმი ბავშვებისა და ქალების მკვლელობის სანაცვლოდ, საფრანგეთის უდარდელ ცხოვრებას არ უნდა მოელოდეს.
საფრანგეთს ავღანეთში 4 000 სამხედრო ყავს განთავსებული.