საქართველოს საზოგადოებრივი მაუწყებელი 25 იანვრიდან გააგრძელებს რუსულენოვანი პირველი საინფორმაციო კავკასიური ტელეარხის გადაცემებს. არხის პროგრამები კავკასიის რეგიონზე იქნება გათვლილი.
როგორც სადგურის გენერალური დირექტორი რობერტ პარსონსი აცხადებს PIK-ის სახელით ცნობილი არხი რეგიონში მიუკერძოებელ ინფორმაციას გაავრცელებს და მის ეთერში არ მოხდება საქართველოს მთავრობის განცხადებების გაჟღერება. არხის მაუწყებლობა ფრანგული სატელიტური კომპანიის-Eutelsat-ის გადაწყვეტილების შემდეგ შეწყდა. არხის მენეჯმენტის განცხადებით, ახალი სადგურის საცდელი პერიოდი დასრულებულია.
საქართველოს მთავრობის მტკიცებით, არხმა ფუნქციონირება ფრანგულ კომპანიაზე რუსეთის ზეწოლის შედეგად შეწყვიტა.