გაეროს ტრიბუნალმა რუანდას მთავრობის ყოფილ მინისტრს სამუდამო პატიმრობა მიუსაჯა 1994 წელს გენოციდის ორგანიზებაში მონაწილეობის გამო.
გაეროს ტრიბუნალმა ტანზანიაში პაულინ ნუირამასუჰუკო დამნაშავედ სცნო კაცობრიობის წინააღმდეგ მიმართულ დანაშაულში. ის პირველი ქალია ვინც საერთაშორისო ტრიბუნალმა გაასამართლა.
ეს ქალბატონი ოჯახის და ქალთა საკითხების სამინისტროს ხელმძღვანელობდა, როდესაც 800 ათასზე მეტი ტუტსი ამოჟლიტეს ჰუტუს ტომის ექსტრემისტებმა სამი თვის განმავლობაში.
აღსანიშნავია, რომ გაეროს ტრიბუნალმა ყოფილი მინისტრის ვაჟს, არსენ შალომ ნთაჰობალიმსაც სამუდამო პატიმრობა მიუსაჯა გენოციდში მონაწილეობის გამო.